Түз эфирден алынган видеотасма📌

Мектептин англис тили мугалими Шербет Суранбекова мектеп медиасына өз ишенимин билдирди. Бул боюнча ал бүгүн 29-апрель мектеп медиасына интервью берип жатып белгиледи. «Мектеп медиасы келечекте көп иштерди жасайт, биз мектеп жаңылыктарын угуп, мугалимдердин иштерин жеңилдеткенге жардам берет деп ишенем. Бул сайт бир гана мугалимдер үчүн эмес окуучулар үчүн да өтө пайдалуу болот деп эсептейм. Анын ичинде себеби мугалимдер бөлүмү, окуучулар үчүн даярдалган тесттер, китептер, бош учурунда көрүү үчүн сериалдар жана башка ар кандай радио түйүндөрүндө эфир уюштура алышат. Келечекте мугалимдер окуучулар менен тыгыз байланышта болуп, медиа бурчубузду алга карай жакшы иштеткени аракет кылабыз”-дейт Ш. Суранбекова Эске сала кетсек бүгүн 29-апрель мектепте мугалимдер үчүн мектеп сайтынын жабык презентациясы болуп, мектеп порталын андан ары иштетүү боюнча сунуштар айтылып, колдонууга уруксат берилди.

Мектеп медиасы, окуучулардын маалымат алуусун активдештирип, мектеп турмушун жеңилдетет. Андыктан өлкө аймактарындагы баардык мектептерде медиа бурчтар ачылышы өлкөбүздүн билим берүүсүндөгү алдыңкы иштердин катарын толуктайт. Дал ошол себептен Базар-Коргон шаарындагы Ж. Боконбаев атындагы гимназия-жатак мектебинде мектеп медиасы түзүлүп, аталган медиа тарабынан мектеп сайты ачылган. Бүгүн 29-апрель мектеп медиасынын мугалимдер үчүн жабык презентациясы болуп медиа жана сайт менен таанышып чыкты. Эскерте кетсек мектеп медиасы тарабынан ачылган сайтта жанылыктарды онлайн алуу, ар кандай тематикадагы макалаларды окуу, форум уюштуруу, сайтка катталуу жана онлайн тест өткөрүү мүмкүнчүлүктөрү каралган. Ал эми мугалимдер аталган сайт менен таанышып чыккан соң өздөрүнүн жеке ойлорун айтып, сайтты колдонууда келип чыгуучу айрым суроолорун берип, жооп алышты. Сайттын онлайн тесттер бөлүмүн мектеп турмушунда активдүү колдонуп, санарип билим берүү тармагында алдыга чыкса болорун мугалимдер белгилеп өтүштү. Бирок аталган сайтты колдонуу үчүн окуучуларда медиасабатуулук боюнча билимдер керектелет. Бул үчүн мектепте тренингдер же медиа лагерь өткөрүү сунуштары айтылды. Мектеп медиасы жана сайтынын ачык презентациясы май айында окуучулар үчүн өткөрүлөт. Дал ошол күндөн тарта мектеп сайтын колдонуу уруксаты берилип, мектеп медиасы өз ишин баштайт. Аталган медиа жамаат азыркы убакта социалдык тармактар аркылуу иш жүргюеүзүп жатат. Ошондой эле жалпы Ж. Боконбаев мектебинде окуган окуучуларды Инстаграм баракчага катталууга чакырат. ✍️ Бекболот Абдуллаев 📷Жаныбек Досов

Окуучулар 25-майда жайкы каникулга тарашат. Бул тууралуу Билим берүү жана илим министрлигинин басма сөз кызматы кабарлады. Кыргыз Республикасынын Билим берүү жана илим министрлиги Кыргыз Республикасынын бардык типтеги жана менчик түрүндөгү жалпы билим берүү уюмдарында 2020-2021-окуу жылын уюшкандыкта аяктоо, ошондой эле пандемия маалында бүтүрүүчүлөрдүн саламаттыгын жана коопсуздугун сактоо максатында тиешелүү буйрук чыгарды. Ага ылайык 2020-2021-окуу жылы жалпы билим берүү уюмдарында ушул жылдын 25-майында аяктайт. Ал эми мамлекеттик экзамен болбойт, анын ордуна окуучунун жетишкендиктерин эске алуу менен башка форматта өтүлөт. Тоолук маалымат мектеп сайтында👆

2021-жылдын 24 – 25-мартында Бишкек жана Ош шаарларында, ошондой эле Ош, Жалал-Абад, Баткен, Нарын, Ысык-Көл, Талас жана Чүй областтарынын областтык борборлорунда республикалык олимпиаданын III этабы болуп өткөн. Олимпиада 17 окуу предмети боюнча болуп, ага жалпысынан 1 976 окуучу катышкан. Кыргыз Республикасынын Саламаттык сактоо жана социалдык өнүктүрүү министрлигинин Бишкек шаары “кызыл зонага” киргендиги тууралуу билдирүүсүнүн негизинде олимпиаданын IV этабын өткөрүү маселеси COVID-19 менен күрөшүү боюнча республикалык штабдын жыйынында каралып, азыркы шартта массалык иш-чараларды өткөрүүдөн кармануу сунушталган. COVID-19 менен күрөшүү боюнча республикалык штабдын сунушун эске алып, Кыргыз Республикасынын Билим берүү жана илим министрлиги областтык турда 1, 2 жана 3-орундарга ээ болгон 478 окуучуну 2020-2021-окуу жылынын мектеп окуучуларынын республикалык олимпиадасынын жеңүүчүлѳрү деп тапты. Алардын ичинен биринчи орунду – 155 окуучу, экинчи орунду – 166 окуучу, үчүнчү орунду – 157 окуучу ээледи. 1-орунду багындырган 155 окуучуга I даражадагы дипломдор жана китеп сатып алууга сертификаттар берилет, ал эми 2, 3-орунду ээлеген окуучуларга II жана III даражалардагы дипломдор тапшырылат. Ошондой эле республикалык олимпиаданын жыйынтыгы боюнча байгелүү орундарга ээ болгон 264 окуучу – 11-класстын бүтүрүүчүлөрү Кыргызстандын жогорку окуу жайларына тапшырууда артыкчылыктарга ээ болушат. Белгилей кетсек, жогорку окуу жайларга сынактан тышкары төмөнкүлөр кабыл алынат: - үстүбүздөгү жылы Олимпиаданын IV этабында I даражадагы диплом алган мектеп окуучулары-11-класстын бүтүрүүчүлөрү Олимпиаданын предмети дал келүүчү табигый илимдер, гуманитардык, социалдык-экономикалык, медициналык, айыл чарба жана техникалык профилдеги адистиктерге жана багыттарга, абитуриенттердин тандоосу боюнча, алардын жалпы республикалык тестирлөөгө катышуусу шартында; - үстүбүздөгү жылы Олимпиаданын IV этабында II же III даражадагы дипломдорду алган мектеп окуучулары-11-класстын бүтүрүүчүлөрү жалпы республикалык тестирлөөгө катышкан учурда Олимпиаданын предмети профилдүү болгон педагогикалык адистиктерге. КР БИМдин басма сөз кызматы

Мектеп медиасы тарабынан ачылган мектеп сайтынын жабык презентациясы 29-апрель болот. Бул тууралуу сайттын башкы редактору Бекболот Абдуллаев билдирди. "Дал ушул аралыкта биз мектеп сайтын жабык түрдө мугалимдерге презентациялап беребиз. Ал эми андан кийин май айында окуучулар үчүн презентация кечеси жана мектеп порталынын ачылуу аземи болот. Дал ошол күндөрдөн тарта мектеп медиасы иштеп баштайт. Азыркы убакта кемчиликтер үстүнөн иштеп жатабыз, эгерде сунуштар болсо кабыл алууга даярбыз" - дейт Б. Абдуллаев. Эске сала кетсек буга чейин мектеп окуучулары тарабынан мектеп медиасы негизделип, мектеп сайты ачылып жатканы кабарланган.

📢 ЭХЕ-ХЕЕЕЙ Сүйүнчү, мектебим сүйүнчү! 📢 Биздин 🏢 Жоомарт Бөкөнбаев гимназия-жатак мектебибизде ( Базар-Коргон району боюнча каалоочулар да катыша алат) 📚 китеп окуу сынагы старт алды❗ Сынакка: 📌 5-7 класстар *"Бумеранг"* китеби боюнча катыша алат. 🎁Сыйлыктар: 🥇 3000 сом акчалай сыйлык, диплом 🥈2000 сом акчалай сыйлык, диплом 🥉1000 сом акчалай сыйлык, диплом 4-5 орундар баалуу белектер менен сыйланат. 📌8-11 класстар мотивационнер Ник Вуйчичтин *"Жашоо чексиз"* китеби боюнча катышат. 🎁Сыйлыктар: 🥇 5000 сом акчалай сыйлык, диплом 🥈3000 сом акчалай сыйлык, диплом 🥉1500 сом акчалай сыйлык, диплом 4-5 орундар баалуу белектер менен сыйланат. Катоо 15- майга чейин жүргүзүлөт. Катталуунун шарттары: 🔴*0558161791* WhatsApp номерине 🔸Аты-жөнүңүздү 🔸 Классыңызды 🔸 Тел-номер жазып жибериңиз. 🔴@bokonbaev_school_official инстаграмм баракчасына катталыңыз. 🔴 Жогоруда белгиленген китептерди сөзсүз окушуңуз керек. Китептер мектеп окуучулары үчүн арзан баада сатылат. +996 220 091 354 номерине байланышып китеп сатып алсаңыз дар болот. Жыйынтыгы 20-май Ж. БӨКӨНБАЕВ мектебинде тест тапшыруу менен аныкталат. Анда эмесе чамдаңыздар!!!

Ж. Боконбаев атындагы гимназия-жатак мектебинин 10-класс окуучулары Базар-Коргон райондук ӨКМ ишканасына экскурсияга барды. Бул тууралуу корреспондент Бекболот Абдуллаев BOKONBAEV MEDIA билдирди. Маалымат видеорепортажда👆