Достар баршаңызға сәлем! Қалдарыңыз қалай? Мына обзор қалай кетті? —- Тауарды @beyoutify.kz осы магазиннен алдым!

Қайырлы күн, барша қауым! Жазбамды, ең алдымен, сіздерге деген алғысымнан бастамақшымын. Сынайтын да, қорғап, қолдап жүретін де халық болған соң, сіздерге білдірер ілтипатым мен айтар алғысым шексіз. Осы 10 күн бойы мені қолдап, демеу беріп жатқандарыңызға рақмет. 🙌🏻 ⚡️ Жақында ғана бір жобаны қолға алып, соның айналасында жүргенімді білетін боларсыздар. Оның негізгі мақсаты: екі айдың ішінде 0 теңгеден 10 млн теңгеге дейін жететін айналым жасау, сауда жасау. Телеграм каналында жобаны жүргізіп, арнайы жазбаларды үзбей салып келе жатырмын. Көпшіліктің айтуына қарағанда, жазып жатқан дүнием көңілдерінен шығып жатқан секілді. Осы он күн бойы жасап жүрген жұмыстарымды іске асыру үшін аз күш жұмсалған жоқтығын айтқым келеді. Қазірде барлық зейінімді осы жобаға аударып, барлық энергиямды бір жобаға салып жатырмын. Осы жоба аясында жұмысты бақылаңыздар, көріңіздер. Әлі талай қызықтар болатынына сенімдімін. 😊 ⚡️ Сондай-ақ, ендігі кезекте, менің мүлдем хабарым жоқ тауар саудасымен айналыспақпын. Ол косметика саласы болмақ. 💅Кез келген жағдайда, кез келген уақытта жаңашыл нәрселерге дайын болу керек. Жаңа дүниелерді үйреніп, танысып, білу артық болмайды. Сол себепті де жаңа бастамам ойдағыдай болатынына үмітім зор. Ал, нәтижесін Алла қалап, бірге көре жатырмыз. Күндеріңіз сәтті өтсін! ✨

30 миллион емес, доллар ғоой. Шатасып кетіппін. ---- Өзіңізді таныстырып өтіңіз👇🏾👇🏾👇🏾👇🏾

Менің негізгі үндеуім, осы роликте. Ешкімге ешнәрсе уәде етпеймін, жәй ғана өзімнің баратын жолымды сіздерге көрсетемін. Бәлкім, нәтижесі мені де таңғалдырар, бастысы идея. ~ Міндетті түрде тіркеліңіздер, дос-бауырларыңызбен бөлісіңіздер, бағалаңыздар😊 ~ Видеомейкер @aybek.askhatuly #челендж #бизнес #кәсіп #жизнь #0тг #10млн

Сәлем, достар! Парақшамды жаңартып, жаңа пост салмағалы біраз уақыттың жүзі болыпты. Оның себебі жұмыс тығыз болды. Одан бөлек тағы бір-екі мәселенің орын алғаны бар. Осы уақытқа дейін Шымкенттегі жаңалығымен бөлісіп жүрген мен, енді, ресми түрде Шым қаладағы жұмыстан кеттім. Қазіргі уақытта Алматыдамын. Сүйікті ісімді Алматыда дамытатын боламын. Яғни, кәсібімді ары қарай дөңгелете беру жоспарда бар. Шымкенттен неге кетті десеңіздер, ондағы "Maksmart" компаниясымен серіктесе іске асқан жұмысым аяқталысымен, "Mediamart" компаниясы серіктесуге ұсыныс тастап, өздеріне шақырды. Ақырында, келісімге келіп, екі ай жұмыс атқардық. Бұл жағдайда 10 есе айналым жасалып, айына айналым мөлшері 600-650 млн теңге. Қол астымда 130-ға жуық қызметкер болды. Бұл мен үшін әлдеқайда үлкен тәжірибе болғаны рас. Үлкен көлемді сома арқылы тәжірибемді сынап көрдім. Аллаға шүкір, бәрі де ойдағыдай іске асып, нәтижесі ойдағыдай аяқталды. Алайда, бизнесте де аяғын шалынып қалатын кездер болады демекші, бұл бизнесіміз сәтсіздік алаңыңа келіп тоғысты. Серіктес болар алдын келісілген кейбір мәселелердің ұмытылып, орындалмауына байланысты, келісімшартты бұзуға тура келді. Жалпы, Шымкент қаласында бес айдай уақыт өткіздім. Нақтырақ көрсете кетсем, қарашаның 18-і кетіп, наурыз айының 17-сінде қайттым. Аталмыш уақыт аралығы үлкен тәжірибелерге толы болды. Сол жинаған тәжірибелерімді толықтырып, Алматы қаласында бөліспекпін. Жоспарсыз жүрмейтінімді білесіздер. Алда жоспар көп. Жақсы жаңалықтармен бөлісуге лайым жаза берсін. Сіздерді жақсы көремін, көрініп, көрінбейтін қолдауларыңыз үшін рақмет! Қайырлы түн! —- #бизнес #кәсіп #успеx #продажа #сауда

Сәлем достар! Көптен бері желіде көрінбей кеттім, себебтері бар. Бұйыртса жақсы жаңалықтарыммен бөлісіп, желіде белсенді боламын. Күтіңіздер... ---- #кәсіп #бизнес #жизнь #успеx

Көзімдегі жалынды байқадың ба досым? ---- Бұйыртса үлкен шоу жасаймын! Алла сәтін салсың! --- #бизнес #шоу #горы #лыжы #кәсіп

Сәлем, достар, қалайсыздар? Күні кеше "Жауапкершілік деген не?" деген сұрақта сауалнама жүргізгенмін. Көпшілік жауапкершілікті жұмыспен байланыстырып, жұмысқа жауапты қарау, кешікпеу, берілген тапсырманы уақытылы орындау деген сияқты жауаптарды берді. Негізі, біз өмірге келгеннен кейін кез келген нәрсеге, айналамыздағы болып жатқан жайттардың бәрі болмаса да біріне жауаптымыз. Қоршаған орта, санала тұлға ретінде табиғатқа, тұрмыс-тіршілігімізге, қарым-қатынасқа, киген киіміміз бен әрбір сөйлеген сөзімізге жауаптымыз. Былай айтқанда, әркім өз таңдауына жауапты. Өз таңдауы болғандықтан, жауапкершілікті өз бойынан табуы керек. Сынды өз бойынан іздеп, мінді өзгеден іздемеу қажет. Яғни, проблемманың өзегін өзгеге сілтемей, өзің де жауапты екендігіңді түсінген дұрыс болар. Қарапайым мысал: көп жағдайда бас қызметшілер өздерінің жұмысшыларын жауапкершіліксіз деп бағалайтын жайттар кездесіп жатады. Алайда жұмысшылардың жауапкершілігі тікелей бастықтың ұстанымына байланысты екені белгілі. Демек, жауапты қызметкерлерді қалайтын басшы өзінің де жауапты болуына баса назар аударуы керек. Міне, менің жауапкершілік туралы ойым осындай, достар. Бәріміз белгілі бір деңгейде жауапкершілігімізді сақтап жүрейік. #жастаржылы #ғажайып #жауапкершілік #бизнес

Адамдар не себепті ренжіп жатады? Негізінде, бәріміз бір-бірімізден ойымыздағы нәрсені күтетініміз рас. Тіпті, артығымен күтетін кездер болады. Мәселен, бүгін менің туған күнім. Сіздің құттықтауыңызды ерекше күттім. Бірақ, өкінішке орай, бұл күн мүлдем есіңізден шығып, мені құттықтамадыңыз. Сол себепті де, сізге деген өкпем қара қазандай болды. Осы секілді болмашы нәрседен үлкен проблемма тудырып жатамыз. Өйткені біз күтеміз. Күткен дүниеміз орындалмай қалған себепті, ренжиміз. Реніштің кесірінен арамыз суып, араласпай кетеміз. Сондықтан да, достар, ешкімнен ештеңе күтпегендеріңіз абзал. Орысша айтқандай, ожидание/ реальность болғанын қаламайтын шығарсыздар. Ожиданиеларыңызды 0 деңгейіне қойыңыздар. Сонда бәрі де жақсы болады.

Жастар жылы құтты болсын! Алла қаласа осы жылға көптеген жоспарлар бар. ---- #жастаржылы #жоспар #мақсат #деньги #цель

Сәлем достар! Алдында уәде етілгендей, Сарыағашта болған жаңалығыммен бөліспекпін. Мен "Бал татыған суы бар өлкеге не үшін бардым және қандай жұмыс істедім? Жалпы, бұл сапар ойламаған, күтпеген жерден орын алды. Сарыағашқа небәрі 15 минуттың ішінде жиналып, шығып кеттік. Ержігіт есімді бауырымызды Шымкентте күтіп алып, аяқасты дәмханада жолығып, одан ары сол жерде досымен таныстырды. Досымен әңгіме барасында "Айна" тұрмыстық техника және сантехникасы дүкені барын айтты. Сөйтіп, бір сағат шамасындай сөйлесіп, келісе келе ертесі күні Сарыағашқа жол тарттық. Ол жерде, жақынырақ танысып, білісіп, серіктес болып жұмыс атқардық. Былай айтқанда, өз үлесімді қостым. Содан, берекетін беріп, іске кірістік. Ең алдымен, re-brending жасап, дүкеннің атын "Maksmart" деп өзгерттік. Артынша дизайнымен айналысып, логотипін жасадық. Осы жерде логотип жасауға көмектескен Абай мырзаға алғысым шексіз. Дизайнын құрастырып, Brendbook-ты жасаған Абай мырзаға көп-көп рақмет айтқым келеді. Жұмыс жоспарын жалпы үш айға бөлдік. Алғашқы айында ішкі жағдайды реттеу көзделді. Екінші айда балаларды оқыту, үшінші ай сату саласында жалғаспақ. Жоспар бойынша бірінші айда жарықтарды ауыстырып, ғимараттың ішін жарықтандырдық. Дүкен ішінде ерекше атмосфера орнату мақсатында колонкалар орнаттық. Залда музыка ойнайтын болды. Re-brending-ке сай балаларға бірдей форма кигіздік. Жиһаздардың орнын ауыстырып, едәуір қолайлы қылдық. Сотканың ішін жақсарттық. Сондай-ақ, reception мәселесінде үлкен суммаға жаңа касса алдық. Міне, бұл алғашқы айдың қорытынды нәтижесі. Екінші айда балаларды оқыту жүйесін бастадық. Яғни, балаларды "Қалай сату керек? Клиенттерге сапалы қызмет көрсету" секілді салалар бойынша оқыттық. Содан кейін оффлайн жарнама жасай бастадық. Кейіннен желтоқсаннан бастап лотерея ойнаттық. Ол лотореядағы басты ұтыс Lada Granta көлігі болды. Сондай-ақ, бір айда 80 млн теңге оборот жасаймыз деген жоспар құрдық. Балалардың әрқайсысына жеке өздеріне план-продажа қойдық. План продажа болғаннан кейін бонустық система жүрді. Яғни, жоспар орындалса, 40 мың теңге қосымша тағы бонус жинақталды. Ал,ең көп сауда жасаған адам Алматыға екі күнге демалуға барады деген мақсаттар болды. 👇🏾👇🏾👇🏾👇🏾👇🏾

Бүгін дүйсенбі. Жаңа күн, жаңа көңіл, жаңа талпыныс пен ынтаға толы болып басталуы тиіс күн. Осы күнде әркім жақсы көретін, онсыз бүгінгі күні өмір сүру мүмкін емес қазына туралы ой қозғамақпын. Қазына дегенде қазақтың жеті қазынасы емес, өмірлік қазына жайында болмақ. Яғни, "Ақша деген не?" Бүгін осы тақырыпты тиек етіп, сторис арқылы сауалнама жүргізіп көрдім. Нәтижесінде түрлі тараптан түрлі жауаптар келді. Көпшіліктің берген жауабы бойынша ақша деген - қолдың кірі, жауапкершілік, нан, мүмкіндік, бірде бар, бірде жоқ дүние екендігі айтылды. Бір сәт өткенге оралып көрелік. Бала кезімізде біз үшін ақшаның рөлі қандай болды? Ақшаның қолдың кірі екенін күн сайын еститін бала болғанымыз рас. Тіпті, үйге ақша әкеле қалсақ, үй ішінің тыпыршып: "Бұл не ақша? Қайдан алдың? Адал ақша ма?" деген сауалдарды да жиі еститінбіз. Көп ақша ұстаған баланың қолынан ақшаны алдап-сұлап тартып алып, "Баланы ақшаға жолатпа, ақшақұмар болып кетеді", - дейтіндер де болды. Сондай-ақ, киноларда да ақшасы көп, бай адам жаман, зұлым адам рөлінде ойнағандықтан, біртіндеп сондай стереотиптер де қалыптаса бастады. Қалталы адам - өзінше, тәкаппар адам деген қате ұғымдар болды. Міне, өкінішке орай, баршамыздың жүйеміз солай қалыптасқан. Бұл кезекте көпке топырақ шашпайтынымды ескере кеткім келеді. Ал, негізі, ақша ол сіздің шын ақиқатыңызды көрсететін құрал. Бұл орайда тәрбиенің де ойнайтын рөлі бар. Тәрбие көрген адам қалталы болғаннан мұрнын аспанға шүйіріп кетпейді. Оған ақшаның бар-жоғы оның адамилығына еш әсер етпейді. Ал, басқа жағдайда қалай болмақ? Яғни, тәрбиені дұрыс алмаған адамның жағдайы мүлде басқа. Ақша осы орайда сол адамның шын бейнесін тезірек ұғынуға мүмкіндік береді. Сол себепті де, жоғарыда айтылған дүниелерді қапелеріңізге ала жүріңіздер. Ақшаның рөлін бала кезден сіңірген дұрыс. Ал, енді, жалпы ақша деген не? Менің түсінігімде ақша ол - бостандық. Бостандық - жаның мен тәнің қалаған іспен айналысу. Бостандық деген - еркіндік. Әрине оған саналы түрде келу керек. Сол себепті де ақшаны санамен пайдаланған жөн. Оның да қадірі бар. Ал, сол еркіндікке жетудің бір жолы - жауапкершілік. Ол - өз өміріңді өзгертуге деген құқық. 👇🏾👇🏾👇🏾 Жалғасы астында....